Wednesday, May 23, 2012

"Ako ang Pinakaanindot Mo nga Sayop"

sayop man ang matawag sa paghigugma mo kanako
ug nga ako usa ka dakong malas nga naabot sa kinabuhi mo
apan ako mao ang gihigugma ug pinili mo
bisan uyugon pa ang tibook kalibutan
ako gihapon ang imong gitagan-an
sa gugma mo nga inampingan
sa kadaghan nga sayop nga naagian mo       
ako siguro ang pinakaanindot nga nahitabo
tungod kanako ikaw nakahimo
sa pagsupak sa ilang mga gusto
gitumanan mo ang imong ka pritso
bisan gitamay ka na ug todo'
ug gidagmalan ka na sa imong ginikanan
imo gihapon gitumanan gugma nga hilabihan
ako ang pinakaanindto nga sayop nga nahimo mo
tungod kanako nakat-on ka sa pagbarog
sa kaugalingon mo nga katungod
nahibal-an mo nga ang kalibutan dili lamang para sa imong kalampusan
nga anaa usab diay kapakyasan nga angay mo nga malabyan
nasayran mo nga ang tawo dili mabuhi pinaagi sa salapi lamang
ug imong nakat-unan ang mahigugma ug hilabihan
sa tawong dili pareha kanimo ug kahimtang
Ako ang pinakaanindot mo nga sayop!
tungod kanako na himsog ang panabot mo
imong giguba ang dakong ali nga sa pagka inusente nga imong nahimutangan
ug karon atong atubangon ang giguba nga kaugmaon
kita mag-unong sa kalipay ug sa kawad-on
ug sa tanan atong isugilon 
nga ang usa ka sayop dili angay hilakan ug basulan
kay mao kini ang damlag aron dili mabutahan
niining kalibutan sa kaalam ug kabuang.